الدكتور محمد محسوب يقول أن الجيش المصرائيلي لم يفض الاعتصامات !!!!

 

 

الدكتور محمد محسوب يقول أن الجيش المصرائيلي لم يفض الاعتصامات !!!!

وانه تلقى تهديد لما قال على منصة رابعة ان الجيش لم يفض اعتصامات !!!

طيب يا ريت يفسر للناس الفيديوهات المنتشرة (اللي شافها ملايين واللي اتذاعت على كل القنوات والمواقع الإخبارية) اللي بيعترف فيها عساكر الجيش المصرائيلي بفض الاعتصامات بعد مجزرة الحرس الجمهوري مباشرة

إذا كانت العساكر دي من كوكب نبتون وجايين اعارة لفض الاعتصامات والصاق التهمة بالجيش المصرائيلي يجيب للناس اثباتات على كدة

طيب والناس اللي شاركوا في رابعة والنهضة واللي شهدوا بأن الجيش المصرائيلي ضرب عليهم نار هتعمل فيهم ايه ؟

كانوا جايين اعارة هما كمان من كوكب نبتون ؟

كانوا جزء من مؤامرة على الجيش المصرائيلي ؟

طيب وصور الضباط اللي متصورين قدام المسجد بعض حرق الجثامين وحرق المسجد ؟

يمكن كل دول جزء من مؤامرة كونية على الجيش المصرائيلي الوطني واحنا مغيبين ومش عارفين

لكن هتقول ايه في الدبابات والطيارات والمدافع والجنود والضباط اللي بيقتلوا الناس كل يوم في سينا ؟

برضه دي من وحدات بعيدة عن ادارته ؟

يعني الجيش المصرائيلي تم شغله في معركة بعيدة عن القاهرة وفيه وحدات عسكرية متنكرة من كوكب نبتون هي اللي بتقتل الناس في سينا وبتهدم بيوتهم وبتنسق مع العدو الصهيوني وبتهجر رفح ؟

يعني الجيش مشغول في تسميد المحاصيل الزراعية في تايلند عشان كدة سايب سد النهضة يتبني وسايب الطيران الصهيوني يضرب سينا كل يوم ومش واخد باله من الجرايم اللي بترتكب في مصر من بداية الانقلاب

الحمد لله طمنتنا كدة خالص

طلعنا ظالمين الجيش المصرائيلي وطلع مش هو اللي بيرتكب كل الجرايم دي الحمد لله

بس ما قلتش الكلام ده من 3 سنين ليه ولا لازم البرادعي يكتب تويتة ؟

عموما حصل خير, المهم اننا اتطمنا ان الجيش المصرائيلي بريء من كل الجرايم دي الحمد لله !!

عاوز الحق وبعيداً عن تزويق الكلام والدبلوماسية في غير موضعها ؟

لا يوجد من تبقت لديه ذرة من ضمير يسمح بخداع نفسه وبتمرير هذه الأكاذيب المفضوحة

الكلام ده ممكن نرد عليه بلهجة افضل من كدة لو كان خرج من شخص عادي, مش دكتور في جامعة وكان وزير

هذه أكاذيب مفضوحة ساقطة ركيكة لحماية المؤسسات العفنة التي احتلت مصر لصالح العدو الصهيوني

عندما تخرج هذه الأكاذيب من شخص عادي, فقد نقول انه ساذج

لكن عندما تخرج من شخص كان وزيراً وبعد تصريحات الخائن الانقلابي المدعو البرادعي ثم تُذيل بدعوة للمصالحة مع المؤسسات التي امدها البنتاجون بـ 750 مدرعة من اجل ما سماها بالحرب على الارهاب في سيناء, فنحن امام كذب مقصود لهدف واضح

أنا انفض يدي من هذا الكذب الساقط وهذه المحاولات المريبة والتي تدور حول تبرئة الجيش المصرائيلي والتصالح مع المؤسسات الخائنة (التي تعمل لصالح الكيان الصهيوني وقوى غربية معروفة وهو أمر يعلمه الاطفال) وتضييع دماء الشهداء بالقاء التهمة على جهات مجهولة لصالح جهات مجهولة أخرى كما هو واضح .. واتبرأ إلى الله منه ومن اصحابه ومن كل من يحاولون تضييع الثورة

 

#آيات_عرابي

#معركة_الوعي