احنا بلد فى عز الازمات الاقتصاديه بتحب الفشخره
انا مش فاهم ايه لازمة وزارة النقل و المواصلات لما وزارة الدفاع هى اللى بترصف الطرق و بتعمل الكبارى و بتلم الكارته و مسيطره على الاعلانات اللى على الطرق و بتسيطر على شركة قناة السويس
انا مش فاهم ايه لازمة وزارة التموين لما وزارة الدفاع هى اللى بتبيع لحوم و فراخ مبرده و مجمده و بتصنع المكرونه و الصلصه و الاجبان و الكحك و بتبيع سكر و و زيت و رز
انا مش فاهم ايه لازمة وزارة الصحه لما وزارة الدفاع هى اللى بتبيع حليب الاطفال و بتستورد السوفالدى و هى اللى هتشتغل فى الادويه و هتاخد وكالات الادويه من الشركات كلها
انا مش فاهم ايه لازمة وزارة التعليم لما وزارة الدفاع هى اللى بتحط المناهج و هى اللى مسيطره على مطابخ المدن الجامعيه و هى اللى بتوزع الوجبات المدرسيه و هى اللى بتطبع الامتحانات و هى اللى بتسربها كمان
انا مش فاهم ايه لازمة وزارة الصناعه و التجاره لما وزارة الدفاع هى اللى بتصنع البوتاجاز و السخان و هى اللى بتستورد التكييفات و بتبيعها
انا مش فاهم ايه لازمة وزارة الاسكان و التعمير لما وزارة الدفاع هى اللى بتبنى الشقق و بتاجرها للمواطنين اللى كانوا فى المناطق العشوائيه
انا مش فاهم ايه لازمة وزارة الاعلام لما وزارة الدفاع هى اللى مسيطره على الاعلام و مجنده كل الاعلاميين للمتجيد فى النظام ليل و نهار حتى لو كان النظام بيبيع ارض مصر
انا مش فاهم ايه لازمة وزارة الاوقاف لما وزارة الدفاع هى اللى بتكتب الخطبه الموحده على مستوى الجمهوريه و اللى بتسبح فيها بحمد السيسى و بتتغنى بالامن و الامان
انا مش فاهم ايه لازمة وزارة العدل لما وزارة الدفاع هى اللى بتدى الاحكام للقضاه بالتليفون
ما تلغوا الوزارات دى و توفروا فلوسها و نخلي وزارة الدفاع هى اللى تسيطر على كل الوزارات و نوفر الفلوس اللى بتتصرف على الوزارات الفاشله دى
مرحبا بكم فى كوريا الشماليه
