الفشخرة الكدابة
ليه انت فرحان بحرب أكتوبر ؟
ليه ما دورتش على ارقام نتايج الحرب ؟
ايه السر ان البعض بيتجاهل الأرقام الرسمية ويتمسك بالرواية الحكومية ؟
ايه الحالة اللي بتصيبنا لما بنشوف لقطات الحرب ؟
طيب تعرف حضرتك ان اللقطات اللي بنشوفها دي
اصلا لقطات من مناورة تمت بعد مسرحية أكتوبر بسنة ؟
تعرف ان الحرب انتهت والعدو على بعد أقل من 100 كيلومتر من العاصمة ؟
تعرف ان العدو أسر اكتر من 8 آلاف أسير ؟
تعرف ان السوفييت حذروا الامريكان
والملك حسين حذر العدو
ومخابرات العدو كانت تعرف ان فيه حرب
قبلها بفترة كافية ؟
تعرف ان موشيه ديان يوم الحرب الصبح رفض تعبئة جيش العدو ؟
تعرف ان كيسنجر بعت تحذير لجولدا مائير من أي ضربة استباقية لمصر أو سوريا ؟
تعرف ان السادات ضحى بفرقة كاملة في تطوير الهجوم ؟
تعرف انه رفض يصفي الثغرة (اللي هو صنعها عمداً) ؟
تعرف ان فيه وثيقة بيقول فيها كيسنجر انه كان بيهدف من الحرب لكذا وكذا ؟
عارف ده معناه ايه ؟
معناه ان الحرب اتعملت من البداية
لعبة بين السادات وكيسنجر وديان
لعبة ضحوا فيها بشباب مصر عشان سلام رخيص
مسرح عرايس بيضحكوا فيه على الجمهور اللي هو كل شعوب المنطقة العربية
الموضوع كله انك عاوز تصدق انك انتصرت
عاوز تصدق حتى لو على حساب المنطق والتفكير السليم
وحتى لو على حساب الارقام والمعلومات اللي ركن من عقلك بيقول لك انها صح
عاوز تتفشخر
عاوز تحس بأي انجاز
حتى لو عقلك عارف ان العسكر خونة وجنود للعدو وبيشتغلوا لحسابهم
