تاريخ النشر: 2-10-2016
الإخوة الأفاضل اللي بتقول الحرية لفلان
حضرتك بتحشد الناس مثلاً حول قضية أسير معين ولا بتطلب الحرية ليه من عصابة الانقلاب ؟
اذا كنت حضرتك بتحشد الناس, اسمح لي أقول لك مع احترامي
مش ده الأسلوب الصح
حشد الناس ما يكونش بالمظلومية
أي ماكينة اعلامية لها آلية معينة
وإذا كانت ماكينة اعلامية بتشتغل ثورة
الآليات دي بتختلف
يعني أول مرحلة حضرتك بتتكلم عن المظالم
وبعدين بتحشد الناس بخطاب ثوري
الخطاب الثوري بقى بيختلف تماماً عن الجانب التعريفي للحالة
يعني بتعرض قضية أسير معين في سجون الانقلاب وبتتكلم عن الجرائم اللي بتمارسها ميليشيات الانقلاب ضده
كويس جدا
المرحلة اللي بعد كدة بقى بتبقى تحديد الخطاب الإعلامي
الخطاب الإعلامي ما ينفعش يكون خطاب توسل ومظلومية
لازم يكون خطاب ثوري
الثورة الفرنسية مثلاً استمرت 11 سنة
وكانت ثورة علمانية
ثوار فرنسا حاصروا سجن الباستيل واقتحموه ودخلوا معركة مع حراسه عشان 16 أسير بس
وفرنسا بتحتفل بذكرى الثورة الفرنسية سنوياً ومحدش يجرؤ يوصف الثوار بالتطرف او الارهاب
عدم القدرة على إحداث تغيير على الأرض هو اللي بيمكن الانقلاب وغيره من وصفك بالارهاب
اللي يقدر يفرض التغيير بيبقى صاحب الكلمة العليا حتى اعلامياً
اذا كنت حضرتك بتعطي شرعية للانقلاب
يبقى خطاب التوسل والاستعطاف مقبول
خطاب التوسل والاستعطاف والاستجداء بيعطي شرعية للانقلاب
أكيد حضرتك لا تقصد ده
لكن خطابك بيؤدي للنتيجة دي دون أن تدري
انقلاب يعني كل قراراته باطلة
أساس الخطاب المشوش ده اللي البعض بيعتبره خطاب ثوري
هو النموذج أو القالب اللي حضرتك اتحطيت فيه من البداية
النموذج الاعلامي اللي اتصدر لحضرتك من البداية
الثورة مش تظاهر
واسمح لي لو حضرتك متصور ان انقلاب بيدعمه الشرق والغرب ودويلات المنطقة وامريكا والكيان الصهيوني ممكن يعتذر لحضرتك ويرحل عشان حضرتك بتهتف
اسمح لي واعذرني
تبقى حضرتك مغفل !!
ومع كامل الاحترام لحضرتك
في 25 يناير الثوار حرقوا مدرعات للحرس الجمهوري في ميدان عبد المنعم رياض
وحرقوا عربات جيب للجيش المصرائيلي في القصر العيني
وحرقوا عربات شرطة وقلبوها
وواجهوا تشكيلات الأمن المركزي واعتلوا الدبابات
في 25 يناير الثوار ما كانوش بيهتفوا بس
الثورة عمل متكامل
التظاهر جزء منه
والخطاب الاعلامي اما انه يكون قادر على حشد الناس او ما يكونش قادر على حشد الناس
نموذج 25 يناير غير قابل للتكرار
لأن الدولة العميقة ببساطة امتصت الصدمة وانتجت تكتيكات مضادة للاسلوب اللي تمت بيه الثورة في 25 يناير
تكتيكات الصدمة اللي نفذها الانقلاب العسكري في رابعة والمنصة والحرس الجمهوري وغيرها
التكتيكات دي ما نجحتش مع النواة الصلبة
لكنها نجحت في تخويف شريحة شعبية معينة من الانضمام للثورة
يعني جسم الدولة العميقة اتطعم ضد (نموذج 25 يناير)
الفيروس اللي بيدخل الجسم بيتعود على نوعية العلاج بعد فترة وبيقدر يتكيف معاه وبيقدر يتحوصل داخل الجسم ويحمي نفسه ويعاود مهاجمة الجسم من جديد
وقتها لازم حضرتك تغير العلاج
الموضوع بسيط
غير نموذج الثورة
جدد تكتيكاتك وأسلوبك
ما تبقاش أسير لنموذج 25 يناير لأنه مش هينجح
مش هينجح ليه ؟
لان مؤسسات الدولة العميقة اتطعمت ضده
معسكر الثورة محتاج للبحث عن نموذج ناجح
نموذج فشل الانقلاب في تركيا كان فيه صدام مع العسكر
في النموذج التركي, الصدام المبكر وفر دماء كتيرة
نكمل في بوست تاني ان شاء الله
