(ملك الأردن: آل سعود يرفضون أي تحالف عسكري مع مصر)
للأذكياء فقط !
عاوز تعرف يعني ايه دجل وتضليل ؟
اقرأ التصريح ده
ملك الأردن (السعودية رفضت أي تحالف عسكري مع مصر) !!!!
يا شيخ !! ؟
بقى آل سعود رفضوا تعاون عسكري بينهم وبين قبقاب الانقلاب العسكري في مصر ؟
بعد ما شاركت قوات مصرائيلية في مناورة بومب الشمال !!! ؟؟؟ grin emoticon
يا راجل قول كلام غير ده !!
طيب, مين نقل الكلام ده ؟
طيب ليه بيحاولوا يخدعوا الناس وينقلوا صورة مش حقيقية ؟
لأن من الضروري بالنسبة لهم ان الشعوب تفضل مغيبة وتفضل متصورة ان فيه حالة عداء بين آل سعود وبين صبيانهم قباقيب مصر العسكريين والشاويش بعطشي
بالنسبة لهم المسرحية لسة ما خلصتش ولازم يبقى فيه قطاع كبير من الشعوب فاهم ان فيه عداء بين الاتنين عشان يعرفوا ينسقوا ويتحركوا بدون رقابة شعبية
لازم الناس تفضل شايفاهم (الطيب والشرس والقبيح)
بيتقابلوا في أخر العرض المسرحي اليومي ويتكلموا بالتليفون وينسقوا لكن انت مش لازم تشوف ده !
لازم تفضل أعمى
وعشان تصدق ويداروا ريحة العفونة اللي طالعة من اللحم الفاسد, لازم يحط شوية بهارات زي موضوع القوات الأردنية والبريطانية اللي بتقوم بعمليات سرية مشتركة في ليبيا وده غالبا خبر حقيقي بس بيكشف عنه عشان يمرر لك الخبر التاني المضروب
طيب ليه بينقلوا ده عن طريق بغل الأردن وجريدة الجارديان مع انها جريدة كبيرة ؟
لأن برواز الصورة بدأ يتكسر والشعوب في المنطقة العربية نسبة الوعي عندها زادت وبدأ ناس كتير تفهم حقيقة اللعبة وان الموضوع كله سيرك منصوب للناس وتوزيع ادوار, فكان لازم يستخدموا اعلى مستوى من الدجل عشان يحافظوا على الصورة اللي بدأت تتكسر
ولأن آل سعود هما محور المنطقة كلها ولسة أسيادهم في أمريكا محتاجين لهم في أدوار تانية يلعبوها في المنطقة يعني لازم يحافظوا على صورتهم من الخدش
مش مصدق ؟
اقرأ مذكرات حاييم وايزمان الل حكى فيها عن لقاء بينه وبين رئيس الوزراء البريطاني سنة 1945 في داونينج ستريت وقال له فيه (ساجعل ابن سعود سيدا على المنطقة وهذا مفيد لكم – يعني لدولة الكيان الصهيوني)
طيب ليه الجارديان ؟
عشان الجارديان جريدة كبيرة ولها مصداقية وممكن جدا يكون المحرر نقل الخبر عن مصادر شبه رسمية ويكون مش بيكذب, لكن المصدر شبه الرسمي هو اللي بيسرب له معلومات غلط عشان الجارديان تنشرها فتنشرها صحف الشرق الاوسط فتوصل لحضرتك !!
عاوز تتأكد ان كل الكلام ده فشنك ؟
اقرأ اخبار زيارة سلمان لمصر يوم الخميس المقبل grin emoticon
كل اللي بيحصل هو حرب على عقلك وعلى وعيك ولازم تفضل صاحي
#آيات_عرابي
